Inligting in die argief van Wes-Kaap
Die Argief- en Rekorddiens van die Wes-Kaap (KAB) is in die ou tronk te Roelandstaat 72, Kaapstad. In die argief word regeringsdokumente en private versamelings vanaf Jan van Riebeeck se tyd bewaar. Hier is ook 'n hele aantal interessante dokumente rakende die familie Van Rooy en in besonder dokumente oor die stamouers.
in hulle testament van 9 Desember 1887
Die oudste dokument is 'n brief wat op 23 Julie 1869 geskryf is deur die stamvader, Jean Corneille van Rooij, aan die "Colonial Officer". Die brief, geskryf in Engels, is in reaksie op 'n brief asook berigte in die koerant waarin gepoog word om Johannes en sy vrou, Anne, op te spoor. Die rede vir die soektog was egter nie vermeld nie. Die stamvader onderteken die brief met die Franse weergawe van sy naam, Jean Corneille. Die brief is in 'n uitstekende toestand en die skrif is baie duidelik en maklik leesbaar.
Die testament van Johannes Cornelis van Rooij en Anne Françoise Holsters is ook hier ter insae asook beide se doodsertifikate. Dit is interessant dat die stamvader se voorname in al genoemde dokumente Johannes Cornelius is (i.p.v. Johannes Cornelis). In beide Johannnes Cornelis en Anne Françoise se doodsertifikate word hulle kinders se name dieselfde weergegee met die oudste kind se naam as Hendrik Karel (in plaas van Henri Charles).
Die volgende dokumente van die stamouers kan besigtig word in die National Argief te Roelandstraat 72, Kaapstad.
| NATIONAL ARCHIVES AND RECORDS SERVICE Cape Town Archives Repository (KAB) |
||||
|---|---|---|---|---|
| SOURCE | VOLUME_NO | REFERENCE | DATE | DESCRIPTION |
| CO | 4160 | 197 | 1869 | MEMORIAL. D VERMOOTEN. REGARDING JC VAN ROOY AND HIS WIFE AF HOLSTER. |
| 201 | 1869 | MEMORIAL. JC VAN ROOY. SUBMITTING INFORMATION REGARDING HIMSELF. | ||
| MOOC | 7/1/510 | 243 | 1887 | HOLSTERS, ANNE FRANCOISE. WIFE OF JOHANNES CORNELIUS VAN ROOY. WILL. |
| MOOC | 7/1/511 | 339 | 1889 | VAN ROOY, JOHANNES CORNELIUS. INVENTORY. |
| MOOC | 6/9/265 | 306 | 1889 | VAN ROOY, JOHANNES CORNELIUS. DEATH NOTICE. |
| MOOC | 13/1/551 | 32 | 1889 | VAN ROOY, JOHANNES CORNELIUS. LIQUIDATION AND DISTRIBUTION ACCOUNT. |
| MOOC | 6/9/507 | 2570 | 1904 | VAN ROOY, ANNE FRANCOISE. NEE HOLSTERS. DEATH NOTICE. |
| MOOC | 13/1/1316 | 213 | 1905 | VAN ROOY, JOHANNES CORNELIS. LIQUIDATION AND DISTRIBUTION ACCOUNT. |
Sien gerus:
- Die sterfkennis van Johannes Cornelius van Rooij
- Die sterfkennis van Anne Françoise van Rooy (gebore Holsters)
- Nasionale Argiewe van Suid-Afrika
In die argief is ook dokumente van ander Van Rooijs wat dateer voor die aankoms van ons stamouers. Hierdie dokumente se skrif is egter moeilik leesbaar.